TBC Omonat

TBC Bankdan TBC Omonat

TBC Omonat — bu TBC UZ ilovasi orqali qulay boshqariladigan so‘m va dollardagi omonatlar. Omonatni boshqarish uchun internetga ulangan telefon va bank kartasi yetarli. Turli valyutalarda va moslashuvchan shartlarda bir necha turdagi omonatlarni tanlash mumkin. Olingan hamma foizlar kartaga yoki omonatning o‘ziga avtomatik o‘tkaziladi.

TBC Bankdagi omonat turlari

TBC Omonat uch turga bo‘linadi:

1. “Odat” omonati;
2. Dollardagi muddatli omonat;
3. So‘mdagi muddatli omonat.

Odat omonati — sodda shartlar va belgilangan 17% stavkaga ega so‘mdagi muddatsiz omonat. Omonatni istalgan vaqtda, qayta hisob-kitobsiz va komissiyasiz to‘ldirish hamda undan pul yechish mumkin. Foizlar har kuni hisoblanadi va har oyda bir marta omonatga o‘tkaziladi.

So‘mdagi muddatli omonat — o‘zingizga qulay shartlarni tanlab, ochishingiz mumkin bo‘lgan moslashuvchan omonat. Uni 3 oydan 24 oygacha muddatga ochishingiz, xohlasangiz, to‘ldirish va qisman pul yechish imkoniyatini yoqib qo‘yishingiz mumkin.

Dollardagi muddatli omonat — faqat ochish vaqtida to‘ldirish mumkin bo‘lgan valyuta omonati. Omonatni 13, 18 va 24 oyga ochish mumkin. Foiz stavkalari ham muddatga bog‘liq va 5,5% dan 6,5% gacha bo‘ladi. Foizlar TBC Bankning Visa Virtual kartasiga o‘tkaziladi.

TBC Bankda omonat ochish uchun minimal talablar

18 yoshdan oshgan O‘zbekiston Respublikasi fuqarosi omonat ochishi mumkin. Buning uchun TBC UZ ilovasida ro‘yxatdan o‘tish va omonat ochish uchun kerak bo‘lgan minimal summaga ega bo‘lish kerak.
 

TBC Bankda omonatni qanday ochish mumkin?
 

TBC Bankdagi har qanday omonat onlayn — ilovaning o‘zida ochiladi. Ro‘yxatdan o‘tgandan keyin asosiy ekrandagi "Omonatlar" bo‘limiga kiring, omonatni tanlang va o‘zingizga moslab sozlang.

"Odat" omonati muddatsiz va uning belgilangan stavkasi bor. Shuning uchun uni ochishda faqat nomini yozib, boshlang‘ich summani tanlasangiz yetarli.

Muddatli omonatning sozlamalari ko‘proq, shu sababli uni ochishda omonat valyutasini, muddatini, to‘ldirish va muddatidan oldin pul yechish shartlarini tanlashingiz kerak.

TBC Bankda omonatni to‘ldirish

Barcha TBC Omonatlar TBC UZ ilovasida va unga ulangan istalgan kartadan onlayn to‘ldiriladi. Buning uchun: kerakli omonatni tanlash, "To‘ldirish" knopkasini bosish, kartani ko‘rsatish va summani kiritish kerak. To‘ldirish uchun komissiya olinmaydi.

TBC Omonat bo‘yicha foizlarni hisoblash va o‘tkazish

Omonatlar bo‘yicha foizlar har kuni hisoblanadi va oyda bir marta o‘tkaziladi. "Odat" omonati bo‘yicha daromad har oyning birinchi sanasida, muddatli omonatlar bo‘yicha esa omonat ochilgan kunda hisobraqamga tushadi.

Maksimal omonatlar soni
 

Hamma pulingizni bitta omonatda saqlashingiz shart emas — turli maqsadlar va shartlar bilan bir nechta omonat ochishingiz mumkin. Umumiy:

• so‘mda 10 tagacha muddatli omonat;
• dollarda 5 tagacha muddatli omonat;
• 1 ta “Odat” omonati ochish imkoniga egasiz.

Dollardagi bitta omonatning maksimal summasi 50 000 AQSH dollaridan, so‘mdagi omonatning maksimal summasi esa 5 mlrd so‘mdan oshmasligi kerak.

Omonat kalkulyatori

Omonatlar kalkulyatori yordamida TBC Omonat bilan oladigan taxminiy daromadingizni oldindan hisoblab chiqishingiz mumkin. Kalkulyator saytimizning ushbu sahifasida va TBC UZ ilovasida. Siz omonat turi va muddatini tanlaysiz, summani kiritasiz va tizim muddat oxiridagi daromadingizni avtomatik hisoblaydi.

Omonatni yopish

Omonatni istalgan vaqtda yopishingiz mumkin. Barcha pullar TBC UZ ilovasidagi joriy hisobraqamingizga yoki TBC Bank kartasiga: dollardagi omonatlar uchun Visa, so‘mdagi omonatlar uchun Humo va Uzcard’ga o‘tkaziladi.

Agar omonat muddati tugashidan oldin yopilsa, foiz stavkasi o‘zgarishi mumkin:

• “Odat” omonatining stavkasi o‘zgarmaydi — uning aniq muddati yo‘q.
• So‘mdagi muddatli omonat bo‘yicha yangi stavka muddatga qarab 8% dan 15% gacha bo‘ladi.
• Dollardagi muddatli omonatda muddatidan qat’i nazar, stavka 3% ga tushadi.

Bu holatda ham pul joriy hisobraqamingizga yoki TBC kartangizga tushadi. Lekin avval hisoblangan foizlardan farqini ayirib, yangi stavka bo‘yicha qayta hisoblanadi.